Xikwembu na ku Pfumela

            Kombelani a languta Kuvoni a ku, “Nwina Vakriste mi pfumela eka Xikwembu. Xana mi nga pfumerisa ku yini eka nchumu lo wu mi nga kotiki ku wu vona xana?”

            Kuvoni u kombeterile tintangu ta Kombelani to saseka to huma eItalian a vutisa a ku, “I mani a nga endla tintangu ta wena?”

            “Vanhu va n’wana efemeni,” ku hlamula Kombelani.

            “U tshama u n’wi vona munhu yaloye?” Ku vutisa Kuvoni. “E-e, kambe wa pfumela leswaku hi yena - u tlhela u pfumela na kambe leswaku I mu-Italian!” Endzhaku ka ku miyela kuntsongo Kuvoni a yisa emahlweni, “Kombelani langutisa mmiri wa wena - mavoko ya wena, minkondzo ya wena, miehleketo ya wena! I mani la nga swi endla? Xana swi ngo tshika swi humelela ntsena? Xana vakokwa wa vakokwa wa wena a va ri timfenhe le ti nga hundzuka vanhu?”

            Kombelani a suka a yima hi ku hlamala, u ehleketa leswaku ndzi huma eka mfenhe?

            “Seni I mani loyi a nga ku endla?” Ku kombela Kuvoni.

            “Munhu un’wana lonkulukumba la tivekaka hinkwako,” Ku hlamula Kuvoni.

            Kombelani a ehleketa swinene. “Hikwalaho ka ntirho wa yena, ndzi nga pfumela eka loyi a nga endla tintangu ta mina -  na ku tlhela ndzi tiva swin’wana ha yena. Ina! Hi ntirho wa Xikwembu ndzi nga pfumela eka Mumbi wa mina - na ku tlhela ndzi tiva swin’wana hi Yena!”

            “I Xikwembu xa wena!” ku vula Kuvoni.

            “I Xikwembu xa wena ni Xikwembu xa mina!” Ku rila Kombelani.

            “Siku rin’wana…” ku sungula Kuvoni.

            Kombelani a veka voko ra yena enon’wini wa Kuvoni a ku, “U nga jahi munghana wa mina lonene. Ndzi nyiki nkarhi!”

            Kuvoni a humesa xi-Bibelani xa yena exikhwameni. Kombelani a ehleketa hi leswi nkarhi hinwawo loko a vona munghana wa yena a ri na Bibele a a ti twisa swona. Sweswi u titwa a nga ri na ku tikeriwa hi mhaka leyi.

            Kuvoni a pfula exikarhi ka Bibele ya yena a hlaya, “Matilo ma vula ku kwetsima ka Xikwembu, ni mpfhuka wu tivisa ntirho wa mavoko ya xona.” (Tipsalma 19:1). Xikan’we a pfula emasungulweni ya Bibele ya yena a hlaya, “Kutani Xikwembu xi ku, ‘A hi endleni munhu hi xifaniso xa hina, a ta fana na hina …” (Genesa 1:26).

            Nsimbhi yi ba. Nkarhi wa swakudya swa nanhlekani a wu herile. A ku ri nkarhi wo tlhelela entirhweni. Kombelani a khoma xandla xa munghana wa yena a n’wi qhavula. “Inkomu, Kuvoni! Hi ku pfuna ka wena na marito ya Bibele, sweswi ndzi na ku tshembha. Ndza pfumela.