IZINTETHE LE COVID-19

“Unkulunkulu wasebona konke akudalileyo, ngempela kwakukuhle kakhulu”, Gen 1:31

Kunganike manje sokulezinto ezimbi ezinengi ezenzakaiayo emhlabeni, njenge covid-19?

Ekulungeni lasothandweni lwakhe, uNkulunkulu wabacebisa abantu ngomphumela wokungamlaleli (isono), “Inkosi uNkulunkulu wamyala umuntu wathi,” kuzo zonke izihlahla ensimini ungakhululeka udle; Kodwa isihlahla sokwazi okubi lokuhle ungadli, ngoba mhla uzadla  kuso uzofa lo kufa,” Gen 2:17 noma kunjalo u Adamu lo Eva bakhetha ukungamlaleli uNkulunkulu. Ngenxa yalokho, ukuhlupheka lokufa kwenyama kweza emhlabeni. Kodwa okubi kakhulu okulethwa yikungalaleli komuntu lomuntu   owonayo “yikufa”. “Ukufa” kuka Genesis 2:17 kuchaza ukuphela kobudlelwano bethu lo Nkulunkulu; ukulahlekelwa yilungelo loku xhumana laye ngomkhuleko, Isaya 59:1-5. Uyabuqonda ubuhlungu abuzwayo unkulunkulu ngalokhu kwahlukana na? Kubi kangakanani ukuthi esikhathini esinengi lokhu akusizwisi ubuhlungu thina. Bekungaba kuhle kangakanani ukuthi silalele imithetho ka Nkulunkulu; ngoba yona yenzelwe ukuthi isilethele ukumsebenzela kahle kakhulu yena labanye, Mahubo 119-104 -105.  Cabanga nje ukuthi bekuzoba njani emhlabeni esiphila kuwo uma ngabe besigcwele ngothando luka Nkulunkulu ekusebenzeleni abanye! Ngoba abanye abanengi ablalelanga imiyalo ka Nkulunkulu, sesiphila emhlabeni wokuhlupheka ngenxa yabantu aba gcwele ngokuzinaka bona lokuziphakamisa. Ukuzicabangela wena kuphela kubangela inhlupheko kwabanye. Sonke siyazi ukuthi ukuzi “khukhumeza kulandelwa yikuchitheka lomoya wokuziphakamisa ulandelwa yikuwa”, Izaga 16:18

Emlandwini yonke, uNkulunkulu wasebenzisa izimo ezinzima, akukhathalekile ukuthi lezo zimo zazibangelwa yibugovu babantu noma yizenzakalo zemvelo, njenge “simemezelo sokuzihlolisia”, ukuze abantu bezihlolisise futhi beguquke benze okuhle. Isenzakalo esinjalo sichazwa ngu mphorofithi uJoweli. Isizwe sonke sika Juda sasiphoseke phakathi kwesenzakalo esasifake impilo yomuntu wonke engozini. Kwabonakala okumilileyo emhlabathini. Izihlahla zonke zasala zingathi ngamathambo amhlaphe angalalutho, zingasela mahlamvu lengxoza. Umphumela waleso simanga yikuthi, kwasala kungasela kudla kuyo yonke indawo okwabantu lezinyamazana.

Igama Joweli, lenziwe ngamagama esi Hebheru athi “uJehova ulungile”. Igama elithi Jehova litsho ukuthi “nginguye”, uNkulunkulu ovele ekhona ongumdali  wakho konke, okubonokalayo loku ngabonakaliyo. Nguye obusa zonke izinto, I corona virus lezintethe. Asibukisise sihlolisise ukukhuza kuka Joweli ngesikhathi uJuda esebunzimeni, ukuze sibone ukuthi uNkulunkulu udingani kulabo abafuna ukuthi ezwe imithandazo yabo evule indlela futhi ebaphendule ngezikhathi ezinzima.

1.    “Manje”, Joweli . 2:12a Lingasachithi isikhathi! Izikhathi ezinzima zidinga ukusukunyelwa lesosikhathi! Efesu 5:16-17

2.    “Ngokunjalo”, V. 12b ngohlupho olwaluqondane lo Juda ngalesosikhathi lanoma yisiphi isimo esibukene laso.

3.    “utsho uNkulunkulu inkosi”, V. 12c Lokho kufakazela ukuthi okufanele sikwenze kuvela “kumholi wethu wempi ohamba phambili, ongi “Nguye”. Ngesikhathi sika Joweli, isimemezelo saya emhlabeni wako Juda. Kodwa manje kithi isimemezelo siya emhlabeni wonke. Uma sikhokhelwa nguye siyanqoba kakhulu, uma kungasiso lesi isikhathi, sizanqoba ngokunga ngabazi empilweni enkulu ngale kokufa .Isambulo 2:10

4.    “Phendukelani kimi”, lapha silekhiye yokunqoba. Kufanele sisuke ekuzikhukhumezeni kwethu okusibhubhisayo, okuza ngenxa yalokho esilakho, siphendukele ekumlaleleni yena yedwa uNkulunkulu weqiniso, onika ukunqoba kweqiniso.

5.    “ngenhliziyo yenu yonke”, V. 12e Ngokwebhayibhili inhliziyo yingqondo, lapho okuvela khona yonke imicabango yethu lokwenza kwethu. Mathewu 15:19-20 khumbula ukuthi uNkulunkulu uzimisele ukusilalela lokusibusisa kuphela uma ingqondo yethu izimisele ukwenza intando yakhe kukho konke. Mathewu 7:12. Kufanele siphenduke kuzo zonke izono izibaliweyo ku 1 Khorinte 6:9-10 laku Sambulo 21:8 Amanga, ukukhipha izisu (ukubulala), amadoda noma abesifazana abalalanayo, ubufebe lokuphinga, ukucindezela abanye, ubuqili, ukufuna inzuzo enkulungokusebenzisa abanye, (ubukhali/lokukhwabanisa) lokunga kholwa.

6.    “Ngokuzila, ukukhala, lokudabuka”, V. 12f Lokhu kubalulekile,kuNkulunkulu kufuneka ukudabuka lokuziisola, ngezenzo zethu ezingelabu Nkulunkulu zokuzibeka ngaphezu kuka Nkulunkulu Mathewu 5:4

7.    “Ngakho dabulani izinhliziyo zenu, hatshi izingubo”, V. 13a Lokho kuqhubeka kusibonise ukuthi uNkulunkulu ufuna ukubona sizisolal, sidabuka. Ufuna ukubona inhliziyo ebuhlungu edabukileyo ngenxa yezono esizenza kuye lase bantwini! Bona uZenzo 2:37, 2 Khorinte 7:10.

8.    Phendukelani eNkosini uNkulunkulu wenu ngoba ulomusa lesihawu, akaphangisi ukuthukuthela, futhi ulomusa omkhulu lobubele; futhi  kothandi ukusilimaza. V. 13b Lapha sibona ukuthi asiphenduki nje kuphela ezonweni zethu, kodwa siphenndukela kuye, ungi “nguye” wethu inkokheli yethu ngoba siyaluphakamisa uthando lwakhe, ukuzifaka ngaphansi kwenkokheli yethu, kutsho ukulalela imiyalo yakhe, singalandeli imiyalo yabanye abantu. Banengi lanamuhla  abafundisa izifundiso zabantu sengathi yimiyalo kaNkulunkulu. Mathewu 15:9, Kuzekube lamasonto amanengi lezinhlangano ezinengi. Asiphendukeleni ku Jusu Krestu lebandla alakhileyo, lowo imisebenzi yakhe lendlela yokumkhonza kulotshiwe ku Testamente entsha.

9.    “Kwazibani, mhlawumbe uzajika esizwele, esitshiyele isibusiso ngemva kwakhe akutsho ukuthi vele sesizabusiswa ngokwasezweni esithandazela ukukuthola, kodwa ikakhulu kusibuyisela kuye lasebudlelwaneni obuhle laye uNkulunkulu, ubudlelwano lapho ezozwa khona imithandazo yethu. Futhi uma sikhuleka, asithembe ukuthi uNkulunkulu, ubona kahle okuzayo lenhliziyo yakhe wonke umuntu.Injongo yakhe ngeyokuthi konke  kusilungele ngokuka moya.

Kufanele simethembe uNkulunkulu ephelelise injongo, yakhe ukuze eveze okuhle kokubi ngasolesi isikhathi sokuhlupheka ngokuqondanisa kwakhe okupheleleyo.

Lezi yizikhathi ezibalulekileyo, ezidinga ukukhetha ngendlela eqondileyo, lokwenza okubalulekiyo. Asizihlole siphenduke makufanele. Okwesibili, asibukeni izindlela zokumsebenzela. Izenzo zethu zothando zingasivulela indlela zokwenza okuhle emiphakathini yakithi, sisize isizwe sethu ukuze sibuyele ku Nkulunkulu. Asikhulekeni sibuyele ku Nkulunkulu. Asikhulekelenii abaholi bethu, labasosizini, lalabo abasebenza behlola abagulayo, labazama ukuthola imithi yokwelapha abagulayo ,lezinto zokuhlola abagulayo.Sibekwazi ukuthi umkhuleko womuntu olungileyo   unamandla futhi uNkulunkulu uzaphendula ngendlela engcono. Asimcele uNkulunkulu sicelela abagulayo. Asibonge uNkulunkulu ngalabo abafake izimpilo zabo engcupheni besebenzela umphakathi wonke. UJehova ungu Nkulunkulu.